UVIÉU, 16 Ago. (EUROPA PRESS) -
La Plataforma 'Chiringos Sociales Sí' manifestó esti xueves en nota de prensa les propuestes qu'esperen que'l Conceyu d'Uviéu tenga en cuenta na publicación de les bases pa los chiringos nuevos de San Mateo d'anguaño. Ente otres, la Plataforma de recién creación, pide polo menos seis espacios nuevos dedicaos a los chiringos de les fiestes locales.
Amás, la Plataforma considera imprescindible que la concesión de los espacios sía de cuatro años, y que medre'l tamañu de los puestos, tanto en superficie como n'altor. "Ye clave que se desanicie la distinción ente terraza y chiringu de les bases, de forma que cada colectivu pueda decidir cómo entamar l'espaciu asignáu", indicaron.
'Chiringos Sociales Sí' pidió tamién que la concesión d'espacios realizárase por concursu y non por sortéu, como se fixo l'añu pasáu. Pa la concesión soliciten que se valore l'axenda cultural propuesta por cada solicitante.
La plataforma considera que los chiringos son yá espacios de referencia indispensables pa les Fiestes de San Mateo y que ye responsabilidá de toos que se pongan les condiciones pa que puedan desenvolver la so actividá de la meyor manera posible.
