MADRID, 25 d'Ochobre (EUROPA PRESS)
La presidenta del Congresu, Ana Pastor, convocó pa esti miércoles de tarde el Plenu d'investidura al que va sometese el líder del PP, Mariano Rajoy, colo que la primer votación sobre la so candidatura va tener llugar el xueves y la segunda y definitiva va programase pal sábadu.
Asina lo esplicó Pastor na rueda de prensa qu'ofreció nel Congresu n'espachando col xefe del Estáu, que la convocó al Palaciu de la Zarzuela pa informala de la so decisión d'encargar a Rajoy que se someta a un nuevu alderique d'investidura.
Pastor detalló que la sesión d'investidura va entamar esti miércoles a les 18 hores cola intervención del presidente del Gobiernu en funciones, que va tener qu'esponer a la Cámara'l programa col que pretende salir investíu.
Al otru día será la vez de los voceros de los grupos parlamentarios, que van subir a la tribuna de mayor a menor y van protagonizar alderiques por separao col candidatu y la primer votación va tener llugar tres la intervención del representante del PP.
