El PNV avisa de que ver a Ibarretxe nel bancu de los acusaos va ser una "humillación" pa la sociedá vasca

ep

BILBAO, 7 de Xineru (OTR/PRESS)

Mañana entama ante'l Tribunal de Xusticia del País Vascu (TSPXV) ún de los xuicios más esperaos del añu, el procesu que per primer vez va sentar como acusáu a un 'lehendakari'. Amás, de Juan José Ibarretxe, nesti xiciu tamién tán acusaos los dirixentes del PSE Patxi López y Rodolfo Ares, y cinco miembros de la illegalizada Batasuna, ente ellos Arnaldo Otegi, polos alcuentros que caltuvieron demientres la última tregua d'ETA. Un xuiciu que, según el cabezaleru del PNV, Iñigo Urkullo, va suponer una "humillación" pa "bona parte" de la sociedá vasca que va ver cómo se xulga a un "lehendakari democráticu" por "facer lo que tenía que facer". Pela so parte, el cabezaleru del PSOE mostró la so confianza en que'l procesu quede "en nada" y afirmó que nun s'arrepiente del so conceyu con Batasuna. Ye más, López aseguró que si se dieren les mesmes condiciones, "diba volver facelo" puesto qu'avanzar hacia la paz ye la so "obligación".

Na viéspera del xuiciu escontra Ibarretxe la Execuitva del PNV con Urkullu a la cabeza compareció ante los medios de comunicación pa lleer una declaración na que'l partíu nacionalista califica la vista oral que se va celebrar mañana de "grave desatín" que "enxamás debió celebrase". Y ye que, señaló Urkullu, el que se sienta nel bancu de los acusaos nun ye Ibarretxe, sinón "el diálogu políticu" y poro, xunto al 'lehendakari' "y con él fundíos nuna sola persona, va tar tol cuerpu social del PNV".

Amás, el PNV destacó la "humillación" que va suponer pa "una bona parte de la sociedá vasca ver a "un 'lehendakari' democráticu" sentáun nel bacu por "facer lo que tenía que facer". "Asitiar nel bancu de los acusaos a un 'lehenkari' democráticu, en cierta midida, implica a tol sistema institucional, xenerando resquiebres y frustración, cuando non sentimientos d'humillación en bona parte de la sociedá", afirmó.

Tres insistir en que lo único que fizo Ibarretxe foi cumplir cola so obligación al "caltener conceyos públicos y con un fin llexítimu con otros políticos", Urkullu reclamó al Tribunal que s'incrementen "al máximu les garantíes procesales de tolos acusaos". "Lo que nunca tuvo qu'entamase polo menos que se desarrolle dientro d'unos parámetros d'igualdá, proporcionalidá y col mínitmu coste posibles pa la honra y la vida política los afeutaos", apuntó'l cabezaleru del PNV que ta previsto que vaya a la vista de mañana xunto a otros dirixentes del partíu como Andoni Ortuzar, Joseba Egibar o Iñaki Gerenabarrena.