UVIÉU, 24 May. (EUROPA PRESS) -
El diputáu de Podemos, Enrique López, refirióse esti xueves a la sentencia de la trama Gürtel, fecha pública güei pola Audiencia Nacional, afirmando que "la gravedá de la mesma tien que suponer nesti país un enantes y un depués a la hora d'asumir responsabilidaes polítiques".
"Dende Podemos Asturies creemos que ye obligao pa cualquier formación política esixir la dimisión inmediata de Mariano Rajoy como presidente del Gobiernu", dixo López.
López, en declaraciones a los medios nos pasiellos de la Xunta, manifestó que nun se pue tener de presidente del Gobiernu al presidente d'un partíu "que se demostró que se financió de manera irregular col amañu de contratos mentes más d'una década".
El diputáu de la formación morada aseguró que naide nesti país pue creese que Mariano Rajoy "nun tuviera al tantu de que'l so partíu taba financiándose con una caxa B al traviés del amañu de contratos".
