UVIÉU, 23 d'Agostu (EUROPA PRESS)
El grupu parlamentarios Podemos Asturies solicitó la comparecencia de la conseyera de Facienda, Dolores Carcedo y l'aportación de tola información relativa a los 134,5 millones d'euros de deuda pública del 2015. L'executivu nun informó de la so finalidá a la Sindicatura de Cuentes.
Asina lo recueye l'informe de la Sindicatuira sobre la fiscalización del programa d'amortización y gastos financieros de la deuda. "Hai xuna falta de collaboración cola Sindicatura porque la conseyería sigue sin querer facilitar al órganu fiscalizador les factures o obligaciones abonaes con esos 134,5 millones d'euros", indicó'l diputáu de la formación morada, Enrique López.
Y ye que pa Podemos ésta ye la verdadera prueba del algodón sobre l'actitú d'un Gobiernu para cola tresparencia y les polítiques públiques, dao que se trata de xustificar "si s'axustó o non a la llegalidá'l gastu d'una cifra de dineru público bien importante, 134 millones, más del presupuestu total del ERA nel 2017".
López y el voceru de la formación Emilio León, recordaron que cada día'l Principáu paga 200.000 euros d'intereses de la deuda y consideraron "imperdonable que se quite información nesi sen". "Hai una gran opacidá al respective de la xestión de la deuda", insistió Podemos qu'esixó a la conseyera de Facienda que responda ante'l plenu poles causes poles que nun s'apurre esta importante información.