MADRID, 25 de Xunetu (EUROPA PRESS)
La Policía Nacional refugó'l móvil terrorista nel incidente protagonizáu por un individuu al qu'esti martes detuvieron n'entrando a la carrera nel pasu fronterizu de Beni Enzar de Melilla al berru de "Alá ye'l más grande", firiendo leve con un cuchiellu a un axente, informaron a Europa Press fontes d'esti Cuerpu.
L'incidente asocedió a les 7.35 hores. El policía nacional sufrió un corte nun deu de la mano, polo que precisó atención médica. L'arrestáu, que ta pendiente d'identificación, ye un varón que glayó "Allahu akbar", esto ye, "Alá ye'l más grande". La Policía Nacional abrió xuna investigación.
Fontes policiales precisaron qu'a les 10.30 la investigación descartaba'l móvil terrorista nun incidente que se produxo cuando l'agresor, con problemes mentales, trató de resalvar el dispositivu de seguridá de Beni Enzar, el principal pasu fronterizu ente Marruecos y la ciudá autónoma de Melilla. L'home portaba un cuchiellu col que mancó a unu de los axentes que lu reduxo.
Del socesu informó'l ministru del Interior, Juan Ignacio Zoido, na so cuenta de Twitter pasaes les 9.30 hores. "La Policía detuvo a un home qu'atacó con un cuchellu a los axentes nel pasu fronterizu de Beni Enzar, unu d'ellos mancáu leve", esplicó.
