Polo menos 43 persones morrieron nos atentaos con coche bomba n'Irak

BAGDAD, 20 de Mayu (Reuters/EP)

Polo menos 43 persones morrieron na fola d'atentaos con coche bomba en zones xiínes de Bagdad y de la ciudá portuaria de Basora, nel sur d'Iraq, según fontes policiales y médiques. Nengún grupu reivindicó hasta agora l'autoría.

Unes 150 persones morrieron na fola de violencia intercofesional de la última selmana y les tensiones ente los xiinos, que nesti momentu gobiernen Iraq, y la minoría sunina, llegaron al so nivel máximu dende que les tropes estaounidenses abandonaron el país n'avientu del 2011.

Nueve persones morrieron nún de los dos coches bomba qu'españaron en Basora, una ciudá predominantemente xiína a 20 kilómetros al sureste de Bagdad, según fontes policiales y médiques.

"Taba de guardia cuando una potente esplosión fizo tremecer el suelu", señaló un oficial de Policía cerca del llugar del ataque, nel barriu de Hayaniya. "La esplosión algamó a un grupu de xornaleros que se rexuntaben cerca d'un puestu de bocaos", precisó a Reuters.

Otros cinco persones morrieron nuna segunda esplosión dientro d'una estación d'autobús na plaza Saad, tamién en Basora, según fontes médiques y policiales.

Mentanto, en Bagdad, un coche bomba esplotó nun mercáu del barriu predominantemente xiín de Kamaliya, nel este, matando a siete persones, según la Policía.

Otres 22 persones morrieron nos atentaos asocedíos n'Ilaam, na ponte Diyala, n'Al Shurta, en Shula y en Ciudá Sadr, toes elles zones de gran concentración de xiínos".