KIEV, 30 de Xineru (Reuters/EP)
Polo menos siete persones morrieron esti vienres por cuenta d'un bombardéu contra Donestk qu'algamó a un centru cultural y a un trolebús, según informaron fontes de la autoproclamada república separatista.
Cinco de los finaos alcuéntrense nel centru cultural nel momentu del bombardéu. Los otros dos restantes finaron a un kilómetru de distancia, cuando'l trolebús resultó algamáu por un proyectil, según el gobiernu separatista de Donetsk nun comunicáu. Ucrania nun confirmó esti bombardéu.
Pel momentu, el día dexa un total de 12 muertos y más de venti firíos, dempués de que l'Exércitu ucranianu informara de la muerte de cinco de los sos soldaos baxo l'artillería rebelde nes sos posiciones de Debaltseve y Mariupol, ciudá esta última atacada'l pasáu fin de selmana pola artillería prorrusa.
