UVIÉU, 21 Ago. (EUROPA PRESS) -
Esti sábadu 25 d'agostu, el Campo del Alameda de Porcía acueye la XXXV edición de la Noite Celta, la cita decana del calendariu folk asturianu. A partir de les 22.00 van sonar los grupos asturianos La Garrapiella, Tejedor, N'arba, Cádaba, Caldo y Os Rabizos, Nela de Bres --estos tres últimos de la mesma zona del Navia-Eo-- y los escoceses Dallahan.
La Noite Celta ye l'eventu decanu n'Asturies rellacionáu cola música tradicional del Arcu Atlánticu. Nació por inicitiva de los vecinos d'El Franco en 1984 y dende esa fecha acoyó a lo más destacao del panorama celta internacional.
Como ye vezu añu tres añu, nel Campo del Alameda, un isla fluvial arrodiada pel ríu de Porcía, amás de sentir la meyor música celta, los asistentes van poder prebar les tradicionales 'xardías á prancha' que s'ofrecen de baldre a los asistentes. Amás, va entregase'l premiu al ganador del cuartu concursu de diseños pa camisetes y material promocional de la Noite Celta de Porcía.
