MOSCÚ, 31 d'Ochobre (EUROPA PRESS)
El presidente ucranianu, Petro Poroshenko, propunxo al so Bloque qu'apoye la continuidá d'Arseni Yatseniuk como primer ministru, dempués de que'l so partíu políticu, el Frente Popular, ganara les elecciones llexislatives del pasáu domingu.
"Plantegué al Bloque Poroshenko nomar a Arseni Yatseniuk pal puestu de primer ministru pa la futura coalición de Gobiernu", dixo'l xefe d'Estáu al traviés de la so cuenta oficial na rede social Twitter.
Poroshenko sorrayó la necesidá de facer esti nomamientu con urxencia porque "el país precisa más unidá que nunca". "Tenemos que demostrar que somos bien responsables col tema de formar un nuevu Gobiernu y del acuerdu de coalición", señaló.
Yatseniuk yá anunció na nueche electoral la so intención de formar una coalición de Gobiernu ente Frente Popular y el Bloque. "La base ye l'acuerdu d'asociación cola Unión Europea", esplicó l'actual primer ministru.
Amás de Yatseniuk, los llexisladores del Bloque plantegaron a Poroshenko que designara pal cargu a Volodimir Hroisman, acordies cola axencia de noticies Ukrinform.
