UVIÉU, 17 d'Ochobre (EUROPA PRESS)
El Partíu Popular anunció la so postura favorable a apoyar el pactu anticorrupción que'l PSOE propón nes sos propuestes de resolución presentaes nel Alderique d'Orientación Política de la Xunta Xeneral d'Asturies, y conllevaría la espulsión del partíu de cargos públicos contra los que s'abra xuiciu oral, como esti miércoles adelantó'l presidente autonómicu Javier Fernández.
Esplicólo esti vienres la diputada rexonal del PP, Emma Ramos, en declaraciones a los medios nos pasiellos de la Xunta Xeneral, mientres la tercer y última sesión del Debate.
Preguntada por si'l pactu afectaría a la situación del conceyal uvieín del PP, Jaime Reinares, condenáu a un añu de prisión por revelación de secretos, matizó que "nun tien por qué afectar de nenguna manera", dao que la sentencia nun ye firme y ta pendiente de recursu, situación que "nun encaxa" dientro de los parámetros de la citada propuesta de resolución. Reinares ta separáu de los sos cargos nel Gobiernu municipal pero caltién la so acta de conceyal.
Sobre'l mesmu asuntu, el voceru socialista Fernando Lastra atendió a preguntes polos casos del alcalde de Pravia, Antonio de Luis Solar, y de l'alcaldesa d'Avilés, Pilar Varela. Ambos tán imputaos, el primeru por dellos asuntos municipales, y la segunda pol 'casu Niemeyer'. Lastra recordó que se trata n'ambos temes d'imputaciones y que tovía nun-yos abrieron xuiciu oral, polo que, "sin prexulgar inocencia o culpabilidá" tampoco diben vese pel momentu afectaos pol acuerdu, que va ser d'aplicación xeneral pa cualquiera".
