UVIÉU, 26 de Payares (EUROPA PRESS)
El diputáu del Grupu Parlamentariu Popular na Xunta Xeneral Matías Rodríguez Feito pidió esti miércoles el cese "darréu" del xerente del Serviciu d'Emerxencies del Principáu (SEPA), Antonio del Corro. Dende la so formación entienden que nun pue siguir al frente del organismu pola so "nefasta y dañible organización" del serviciu.
En rueda prensa en sede parlamentaria, Rodríguez Feito calcó en que la "incapacidá" de xestión d'Antonio del Corro evidénciase en "la so malísima planificación".
Matías Rodríguez apunta que siguen sin cubrir les vacantes de dos bomberos y 14 auxiliares, magar tar presupuestaes, de la que criticó l'abusu d'hores estra y la falta d'organización de los turnos, que conlleva que dellos parques de bomberos alcuéntrense perbaxo de la dotación mínima de personal, con unu o dos efectivos.
D'esta manera, el PP encamienta al Gobiernu del socialista Javier Fernández que cese al xerente del SEPA y ponga nel so llugar a "una persona responsable qu'ufierte soluciones efectives y consensuaes col personal d'emerxencies, capaz de reestructurar los horarios de Bomberos y que garantice la protección de los asturianos y de los trabayadores del serviciu".
