La presidenta del Consell de Mallorca cesa a los conseyeros de Unió Mallorquina

EP

PALMA DE MALLORCA, 5 de Febreru (EUROPA PRESS)

La presidenta del Consell de Mallorca, Francina Armengol, cesó esti vienres a los trés conseyeros d'UM nesta institución, Antoni Pascual (Obres Públiques), Catalina Julve (Mediu Ambiente) y Dolça Mulet (Deportes y Mocedá), tres la "perda de confianza" nesti partíu, dempués de que dellos dirixentes, ente ellos, dos directores xenerales del Gobiernu y el voceru d'UM nel Conceyu de Palma, Miquel Nadal, resultaren deteníos nel marcu de la Operación Voltor.

Nuna rueda prensa, Armengol anunció qu'aprovechará esti cese p'amenorgar el númberu de Conseyería insulares "axustándolu a les dificultaes económiques", igual que yá avanzare esta mañana'l presidente del Gobiernu, Francesc Antich, tres espulsar del Executivu a los conseyeros d'UM Miquel Ángel Grimalt (Mediu Ambiente), Miquel Ferrer (Turismu) y Mateu Cañellas (Deportes y Mocedá).

D'otru llau, la presidenta del Consell confió en caltener la mayoría na institución insultar, polo qu'esperó qu'UM continúe votando a favor de les propuestes del PSIB y Bloc, recoyíes nel pactu de gobernabilidá firmáu nel 2007. Sicasí, recordó que l'apoyu a estes iniciatives será una decisión que competerá esclusivamente a los 'uemitas'.

Dase la circunstancia de que l'ex presidente d'UM, Miquel Ángel Flaquer, dexó'l so escañu nel Consell de Mallorca a últimos del pasáu añu, dempués de que'l xuez del casu Maquillaxe retiráre-y el pasaporte y torgáre-y l'abandonar el territoriu nacional, pola so supuesta implicación nesti casu de corrupción, nel que tamién ta imputada la presidenta del Parlamentu, Maria Antònia Munar, y Nadal.

Pese al cese de los conseyeros executivos que firmará esti vienres, Armengol precisó qu'esta decisión nun implica que nun presupongan la so inocencia, polo que señaló qu'hai que dexar a la xusticia qu'actúe. Sicasí, calcó na necesidá de nun asociar la corrupción cola isla de Mallorca, porque diba ser "inxusto" pa los ciudadanos.