Preste a las séptima Llei d'Educación

MADRID, 17 de Mayu (EUROPA PRESS)

El Conseyu de Ministros aprobó esti vienres la Llei Orgánica de Meyora de la Calidá Educativa (Lomce), la séptima norma eduactiva en 37 años de democracia, pa la so "remisión inmediata" al Congresu de los Diputaos, según anunció la vicepresidenta del Gobiernu, Soraya Saenz de Santamaría

En comparecencia xunto al ministru d'Educación, José Ignacio Wert, Saénz de Santamaría afirmó que se trata de "la llei más importante de la Llexislatura", y "una de les reformes fundamentales" del Executivu, pues tien "un doble cometíu esencial, meyorar la calidá de la educación y la empleabilidá de los mozos".

"Precisamos la remodelación urxente del nuesu sistema educativu porque non podemos dexar les cifres de fracasu, abandonu y paru xuvenil", señaló Sáenz de Santamaría, que destacó que la reforma tien ente los sos oxetivos refuerzu de conocencies instrumentales, la flexibilización de les trayectories, la incorporación y desarrollu de sistemes d'evaluación esterna y la promoción de l'autonomía nos centros docentes.

Coles mesmes, destacó que pa la so redacción "tuviéronse en cuenta" les opiniones de les comunidaes autónomes, los padres d'alumnos, los docentes, los representantes sindicales, los profesionales de la educación, les asociaciones, plataformes y los ciudadanos polo xeneral con un buzón de suxerencies.