El primer ministru israelí asegura que la ofensiva en Gaza va siguir hasta que cambie la situación nel sur del país

XERUSALÉN, 08 de Xineru (EUROPA PRESS)

El primer ministru isarelí, Ehud Olmert, visitó güei xunto al ministru de Defensa, Ehud Barak, a les tropes destinaes na ofensiva na Franxa de Gaza, onde afirmó que la operación militar va siguir hasta que la situación nes comunidaes israelís del sur meyore bastante.

De la mesma manera, comentó que les decisiones polítiques nesti sen van depender de l'habilidá del Exércitu d'asegurar la calma nel sur, según informó'l diariu isarelí 'Yedioth Ahronot' en declaraciones recoyíes por Europa Press. "Tovía nun tamos nesi puntu y nun se-y pidió a les Fuerces Arames que faigan lo que puean p'algamalo", esplicó'l mandatariu.

Amás, Olmert realizó la visita acompañáu pol xefe del Exércitu, Gabi Ashkenazi, y pol xefe del Comandu Sur, Yoav Galant. Tres informalos sobre la evolcuión de la operación, el primer ministru indicó que ta "impresionáu" colos avances algamaos.

Enantes, el ministru de Defensa indicó que "dos años d'esfuerzos intensivos qu'incluyen entrenamientu, compra de suministros, renovación d'equipamientu y poner al día a los comandantes nos asuntos apropiaos dieron los sos frutos", cola ofensiva en Gaza.

Tamién se manifestó "mui satisfechu" col nivel d'entrenamientu y preparación de les tropes israelís y afirmó que los nuevos soldaos "tán preparaos pa la misión que los espera na Franxa".