ISLAMABAD, 1 de Febreru (Reuters/EP)
El primer ministru paquistanín, Yusuf Raza Gilani, recibió esti miércoles un paquete con una pequeña cantidá d'espores d'antrax nel so interior, según confirmó un voceru de la xefatura de Gobiernu, Akram Shahidi, que detalló que l'envíu nun provocó víctimes y que venía de la provincia de Sindh.
"L'equipu de seguridá abarruntó del paquete", indicó Shahidi, antes d'esplicar que "tres les pruebes de llaboratoriu, determinóse que yera antrax". El paquete envióse dende la población de Jamshoro, na rexón de Sindh, nel sur de Pakistán.
La llegada del paquete con antrax prodúxose nun momentu especialmente delicáu nel Gobiernu paquistanín poles tensiones ente l'Executivu y l'Exércitu, incrementaes dende que salió a la lluz un memorando qu'informaba que l'embaxador paquistanín en Washington consultó a un altu mandu militar estaounidense pa que'l so país lu ayudara a torgar un golpe d'estáu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)