El Principáu considera que tovía podríen surdir más denominaciones d'orixe de quesos asturianos

Quesu cabrales.
DOP CABRALES
Publicado 19/05/2017 14:11:05CET

AVILÉS, 19 de Mayu (EUROPA PRESS)

La conseyera de Desarrollu Rural y Recursos Naturales del Principáu, María Jesús Álvarez, aseguró esti vienres que tovía puen surdir nueves denominaciones d'orixe vinculaes al quesu asturiano. "Eso depende del sector", indicó en declaraciones a los periodistes antes de participar na 36ª Feria del Quesu y el Vinu y 37ª Feria de Cerámica d'Avilés, que se celebra mientres esti fin de selmana en el pabellón de La Madalena.

Álvarez indicó que "son los queseros los que tienen que pensar si precisen d'un marcu normativu que lu defenda de posibles fraudes y si una figura como ésta resúlta-yos interesante dende'l puntu de vista del so negociu". Pero tamién indicó qu'hai otros sellos de calidá, "onde los requisitos son menos complexos que la denominación d'orixe", como ye'l casu de la marca Alimentos del Paraísu.

La conseyera punxo en valor qu'Asturies tenga "una de los mayores manches queseres d'Europa". Les producciones amparaes pola denominación d'orixe tán creciendo muncho, con valor económicu d'ocho millones d'euros l'añu pasáu". Tamién faló de la Denominación d'Orixe Vinu de Cangas, con una producción añal de 80.000 llitros y que "tamién va creciendo'l so valor económicu. Ye un vinu singular que tien que ganase más espaciu nel mercáu".

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies