El Principáu tien "plena confianza" na continuidá del proyectu del Palaciu de Xusticia d'Uviéu

   UVIÉU, 9 de Marzu (EUROPA PRESS)

   El director xeneral de Patrimoniu del Principáu d'Asturies, Javier Uría de la Fuente, dixo güei que'l Gobiernu del Principáu tien "plena confianza" nel proyectu del Palaciu de Xusticia d'Uviéu. Amás, señaló que l'acuerdu ente'l Principáu y Jovellanos XXI sigue vixente y que la financiación de les obres de construcción correspuende a la empresa.

   D'esta forma, en declaraciones a Europa Press, Uría de la Fuente salía al pasu de les manifestaciones realizaes por dirixentes rexonales del PP,el que punxeron en duda que l'acuerdu tuviera tovía vixencia, argumentando qu'hai una cláusula que señala que l'acuerdu quedaría sin efectu si nel plazu de cinco meses nun se llograra la financiación necesaria.

   Pero dende'l Principáu calcóse en que la voluntá de les partes sigue siendo la mesma y que nin el Gobiernu nin la empresa se manifestaron en sen contrariu, "polo que l'acuerdu sigue vixente".

    Uría de la Fuento añadió qu'esa mesma cláusula indica que "la efectividá del acuerdu ta en que'l Conceyu garantice la viabilidá del proyectu. Algo que yá asocedió según el director xeneral de Patrimoniu, puesto que el consistoriu yá respondió de forma favorable a la solicitú que presentó Jovellanos XXI. Asina consta nun decretu robláu'l 29 de xunetu del 2009 pol conceyal d'Urbanismu Alberto Mortera". Esta afirmación contrasta colo que güei dixo'l mesmu Mortena, que criticó que naide se dirixó al Conceyu al respecto d'esti proyectu.

   Pal Gobiernu del Principáu, el proyectu de construcción d'un Palaciu de Xusticia na parcela d'El Vascu consigue axuntar "elementos claves", como son l'allugamientu nel centru d'Uviéu y la disposición de les necesidaes arquitectóniques y urbanístiques pa la so execución.

   Sgún Uría de la Fonte resulta "indigno" que'l PP quiera agora coles sos crítiques convertir n'ayenu'l "fracasu hestóricu" del alcalde d'Uviéu, Gabino de Lorenzo, na parcela d'El Vascu. Nesti sen, recordó que'l primer edil uvieín "lleva diez años sin saber dar solución a la parcela d'El Vascu, plantegando siempre propuestes de les que nun salieron alantre nenguna". "En dellos casos fueron simples ocurrencies", comentaron.

   Asina, rellacionaron la rueda de prensa qu'ufiertaron güei nel PP col "intentu de De Lorenzo de treslladar la so frustración al Palaciu de Xusticia, que ye una iniciativa que constitúi una infraestructura moderna y que beneficia a Uviéu".

   L'acuerdu ente'l Principáu y Jovellanos XXI señala que la empresa constuiría la instalación y que'l Principáu va roblar un contratu d'arrendamientu d'una duración de 30 años, con un derechu a compra. Esti alcuerdu criticáronlu fuerces polítiques, incluyíu'l sociu de Gobiernu de los socialistes n'Asturies, Izquierda Xunida, que dixo que la fórmula implica un mayor costu para les arques públiques y que llegó a denunciar el casu ante la Unión Europea, al entender que va en contra de la lexislación de contratación pública, que riquería un concursu".