El Principáu va dar formación gastronómica a los guíes turísticos oficiales d'Asturies

UVIÉU, 20 de Payares (EUROPA PRESS)

El Principáu va ufiertar en materia gastronómica a los guíes turísticos oficiales d'Asturies, con intención de que puean conducir a los visitantes poles principales rutes gastronómiques de la comunidá.

Así lo anunció la directora xeneral de Turismu, Elisa Llaneza, enantes d'entamar l'actu d'entrega de carnés oficiales de Guía Turísticu del Principáu, que tuvo llugar güei nel Hotel de La Reconquista, d'Uviéu.

L'actu tien llugar dos díes dempués de conocese la noticia de que'l Plan de Turismu Gastronómicu del Principáu pasase con nota de sobresaliente (92 sobre 100, la mayor puntuación del conxuntu d'España), la primer evaluación del Plan de Competitividá Turística del Estáu.

Llaneza pretende que'l Principáu puxe la cualificación téunica de los sos guíes turísticos, y al través d'esta última iniciativa, lo faiga en materia gastronómica.

La so intención ye "diseñar un conxuntu d'árees pa que s'especialicen y se contribuya a cualificalos téunicamente, a fin de que puean trabayar neses árees d'actividá". "Queremos cualificar a los nuesos guíes en turismu gastronómicu nesi plan que vamos desarrollar, porque la gastronomía tamién se pue contar", añadió.

Per otra parte, definió l'actu de güei como una "reconocencia del llabor que lleven faciendo demientres munchos años los guíes turísticos profesionales del Principáu". "Ye'l plus de la persona qu'aporta la nuesa comunidá autónoma y carecía del testu llegal que protexa la so actividá. Lo que ficimos foi desarrollar un reglamentu en conxuntu coles asociaciones de guíes y anque yá entró en vixencia, queremos facer concesión especial de los carnés", esplicó Llaneza.

Con esta nueva acreditación, se reconoz "l'actividá oficial y tamién",s egún la directora, s'evita "l'intrusismu, de manera qu'otres persones que vengan congrupos d'otros llugares nun puean exercer esillabor n'Asturies, poque debería tar acreditaos nesta comunidá pa facelo". "¿Quién va esplicar meyor un bien d'interés cultural asturianu qu'una persona que lo conoz, que lu vive y que lu siente como propiu?", añadió.

Mostró la so esperanza de que "estos 22 guíes turísticos nun seya abondo", puesto que "al traviés de les pruebes que vamos facer a lo llargo del 2009 puen presentase munches persones y algamamos qu'haya munchos guíes profesionales que puean dedicar el so llabor a esta materia".

Estos 22 guíes turísticos, asina como los que nos próximos años llogren acreditase nes diferentes pruebes van ser profesionales llibres, ye dicir que van poder trabayar tanto pal Principáu, como p'axencies de viaxes, receptivos, hoteles o simplemente col cliente final. "Ye un ámbitu mui flexible", acabó Llaneza.

A lo último, mostró la so satisfaición, porque la Xunta Xeneral del Principáu aprobare una proposición que plantega la reconocencia de la gastronomía asturiana como Bien d'Interés Cultural. "Ye una bona noticia porque pensamos que la gastronomía ye mui de cultura, arraigona col nuesu patrimoniu, y porque tenemos una gastronomía de primer orde, por materia prima, por naturaleza, pola calidá y cantidá de los nuesos restauradores, y pola innovación que se ta incorporando a la cocina asturiana", acabó.