UVIÉU, 21 d'Ochobre (EUROPA PRESS)
El Grupu Municipal Socialista presentó pal so alderique nel Plenu ordinariu d'ochobre --que va celebrase esti miércoles-- una Moción d'Urxencia pola qu'esixe la "dimisión darréu" del conceyal del PP Jaime Reinares, que permanez como conceyal, pese a la sentencia que lu condenó a un añu de cárcel por revelación de secretos.
La "estrema gravedá" d'esti fechu provoca, según el voceru socialista n'Uviéu, Alfredo Carreño, una situación "de vergña" pa la ciudá y pa la credibilidá de les instituciones democrátiques.
Por ello, el Grupu Municipal Socialista volverá pidir al alcalde, Agustín Iglesias Caunedo, qu'esixa la dimisión de Reinares "d'acordies col acuerdu suscritu na Xunta Xeneral" pol que los grupos parlamentarios acordaron estremar de les sos responsabilidaes a tolos cargos públicos y responsables políticos a los que s'abriera un xuiciu oral. "Nesti casu concretu nun tamos falando de xuiciu oral, sinón d'una condena espresada nel órganu xurisdiccional correspondiente", matizó Carreño.
