UVIÉU, 30 de Xunetu (EUROPA PRESS)
El PSOE y Podemos van presidir tres comisiones parlamentaries caún na Xunta Xeneral. Pela so parte, el PP va tar al frente de dos d'elles, mientres qu'IU y Foru Asturies van presidir una, y Ciudadanos nenguna.
Ye l'acuerdu al que llegaron esti xueves los seis grupos representaos na cámara autonómica. Los diputaos socialistes Nuria Devesa, Marcelino Torre y Elsa Pérez van ser los presidentes de Presidencia y Política Ciudadana; Empléu, Industria y Turismu; y Desarrollu Rural. Pela so parte, los parlamentarios de Podemos Lucía Montejo, Enrique López y Héctor Piernavieja van presidir Pidimientos y Derechos Fundamentales; Servicios y Derechos Sociales; ya Infraestructures, Ordenación del Territoriu y Mediu Ambiente.
La comisión de Facienda y Sector Públicu va tar presidida por Fernando Goñi, y la de Sanidá por Matías Rodríguez Feito, dambos del PP. A lo último, el forista Argimiro Rodríguez va ser el presidente d'Educación y Cultura, y la diputada d'IU Marga Pulgar, la de control de la RTPA.
Toles comisiones van tar formaes por 13 diputaos. La Diputación Permanente y la Comisión de Reglamentu van tar presidíes pol presidente de la cámara, Pedro Sanjurjo.
