UVIÉU, 30 de Marzu (EUROPA PRESS)
La Federación Socialista Asturiana (FSA-PSOE) recordó esti xueves al alcalde d'Ayer, el socialista David Moreno, que van xulgalu por un presuntu delitu siguíu de prevaricación, "que ye de sobra conocíu por toos cuála ye la posición política de la FSA y la normativa del PSOE na aplicación del so Códigu Éticu".
En relación a la decisión del Xulgáu de primer Instancia ya Instrucción de L.lena d'abrir xuiciu oral al actual rexidor d'Ayer, y al so antecesor nel cargu Rafael Pérez Villalta (PSOE), el PSOE d'Asturies solicitó urxentemente al citáu alcalde socialista qu'envíe una copia del autu xudicial a la FSA-PSOE, que de la mesma lo reenviará a los servicios xurídicos de la Federación por que faigan una valoración.
La titular de la sala abrió xuiciu oral tres la querella presentada pol Ministeriu Fiscal n'atendiendo la denuncia del PP polo que consideren "pagos irregulares" a l'asociación encargada de les actividaes nel polideportivu de Sotiel.lo.
Los fechos, según la Fiscalía, vienen del añu 1997. Dende entós, y hasta'l 2011, Gabriel Pérez Villalta "dictó resoluciones mensualmente concediendo sovenciones a l'asociación (Asociación pa la Enseñanza y la Promoción del Deporte n'Ayer) a sabiendes del calter inxustu y arbitrario d'esa concesión, dao que nun se cumplíen nengún de los requisitos llegales pa ello". L'actual alcalde, dende'l 2011 hasta febreru del 2014, siguió utilizando la mesma fórmula.
La concesión de les sovenciones recibió reparos de los servicios de secretaría ya intervención, que llevantaron los rexidores, "en patente, vultable ya incuestionable contradicción col ordenamientu xurídicu", destacó'l ministeriu fiscal". Ente otres cuestiones, la Fiscalía tamién apuntó a "la falta de control" na asignación de les ayudes.
