MOSCÚ, 24 d'Abril (Reuters/EP)
El presidente de Rusia, Vladimir Putin, alvirtió esti xueves que va haber consecuencies si se confirma que'l Gobiernu d'Ucrania utiliza al Exércitu contra'l so propiu pueblu nel este del país. Nesti sen, sorrayó que la ofensiva militar constituyiría un grave delitu.
Poco antes, el Ministeriu del Interior ucranianu aseguró que les tropes del Gobiernu mataron "hasta a cinco separatistes prorrusos" na ciudá de Slaviansk, onde los militares tamién destruyeron trés puestos de control llevantaos de forma illegal.
Estes cinco persones morrieren según paez esti xueves de resultes d'un ataque de desconocíos contra un puestu de control instaláu polos denominaos grupos d'autodefensa, cerca de Slaviansk, nel este d'Ucrania, según indicó una vocera de los mesmos, Stella Horosheva, a la cadena rusa RT.
