MADRID, 29 Sep. (EUROPA PRESS) -
El presidente del Gobiernu, Mariano Rajoy, alvirtió al presidente de la Generalitat de Cataluña, Artur Mas, de les "consecuencies" del procesu que punxo en marcha pa celebrar una consulta soberanista y ufiertó-y entablar un "diálogu granible" anque siempre con "respetu a la llegalidá".
Rajoy aseguró que'l drechu a votar que remana Artur Mas ye un discursu "demagóxicu", daqué que "suena perbién", pero amestó que la realidá ye que "la llei democrática nun ye un corsé escontra la llibertá, sinón garantía d'igualdá y de seguridá pa toos", solliñando que "ensin llei nun hai democracia".
Asina s'espresó'l presidente del Gobiernu nuna declaración institucional al términu del Conseyu de Ministros estraordinariu nel que s'aprobó'l recursu énte'l Tribunal Constitucional tanto de la llei catalana de consultes como de la convocatoria del referéndum pal 9 de payares roblada por Mas.
