Salman Rushdie: "los cuentos de fades son bona forma pa discutir les idees"

Actualizado: miércoles, 7 octubre 2015 18:36

AVILÉS, 7 d'Ochobre (EUROPA PRESS)

L'escritor británicu Salman Rushdie aseguró que "los cuentos de fades son una bona forma p'aldericar les idees". Ye la forma en qu'escribió'l so últimu llibru: "'Dos años, ocho meses y 28 noches'", que presentó esti miércoles n'Avilés, dientro de la xira que ta faciendo estos díes n'España.

En rueda de prensa aseguró qu'esti estilu lliterariu axústase a la historia que quería contar, anque ésta poco tenga que ver colos cuentos. "La suya ye una novela d'idees" col fondu d'historia fantástica en que s'entemecen distintos personaxes y na que ve paralelismos con esti añu.

"Nel tiempu actual vivimos tiempos de cambios, tresformaciones, en que les regles nun s'apliquen. Ye una dramatización de lo que vivimos". En 'Dos años, ochos meses y 28 noches', en clara referencia a 'Las mil y una noches', apaecen superhéroes, personaxes históricos y otros de ficción.

La nueva novela de Rushdie tien una clara influencia española pol interés que l'autor tien pol país. "Siempre ye una gran esperiencia venir", dixo. Por eso nun dudó en colocar al so protagonista en Córdoba y facer referencies a Goya.

Declaróse siguidor de cineastes españoles como Buñuel y Almodóvar, de los que destacó la so capacidá pa "nuna película contar histories dientro d'histories". "Ye'l mio llibru más español", aseguró.

Rushdie quixo descinvular la so obra de la política y aseguró que según se fai mayor menos s'interesa pola política, "lo importante ye la historia", afirma. Tamién restó importancia a les amenaces recibíes n'años pasaos poles idees espresaes nos sos llibros. "Namás piensu na seguridá cuando me pregunten los periodistes", bromió.

Cuando escribe, asegura, présta-y siguir conectáu al mundu, porque refresca la mio imaxinación. Puedo alloñame mientres unes hores, -"pero a lo último del día préstame falar colos mios amigos". "Ye una bona actitú escribir histories, pero la lliteratura nun val pa salvar vides", aseguró pa xustificar l'ausencia d'una Sherazade en 'Dos años, ocho meses y 28 noches'.

Asturianu ofrecido por