Sánchez Ramos encamienta al Cabildu que se presente a les elecciones "si quier organizar les fiestes" d'Uviéu

 El Concejal De Cultura, Roberto Sánchez Ramos (IU).
EUROPA PRESS
Publicado 20/03/2017 20:53:34CET

UVIÉU, 20 de Marzu (EUROPA PRESS)

El conceyal de Cultura, Roberto Sánchez Ramos (IU), aconseyó esti llunes al Cabildu de la Catedral d'Uviéu, Benito Gallego, que "el que quiera entamar les fiestes d'Uviéu a la so manera que se presente a les elecciones".

El conceyal respondió asina a una pregunta sobre l'informe del Conseyu de Patrimoniu Cultural d'Asturies pal proyectu d'Obres d'arreglu de la fachada del claustru onde se señalaba que les intervenciones y los usos d'espacios como la Catedral "nun puen alteriar el calter arquitectónicu y paisaxístico del área, alterar la contemplación del bien, o atentar contra la integridá física del mesmu".

No que se refier a esti discutiniu que caltienen Conceyu y Cabildu sobre la celebración de conciertos na Plaza de La Catedral mientres les fiestes de San Mateo, el conceyal de Cultura volvió insistir en qu'al Conceyu d'Uviéu, "respeta escrupulosamente l'artículu 58 de la Llei de Patrimoniu".

Según aseguró, Cabildu y Conceyu namás tienen "dos puntos de vista bien distintos" sobre si estes actividaes afecten al caltenimientu de la Catedral. Sicasí, detalló que pa estos conciertos el Conceyu "nun mueve tierres, nun altera la xeometría del sosuelu, nun atropa basures y respeta'l círculu d'entrada de la Catedral".

Asina, aseguró que l'actual Gobiernu ye "esquisitu" con un patrimoniu que ye "de toa Asturies y de tou Uviéu". El conceyal anunció que "nun van renunciar a daqué que ye de la xente". Con independencia de que determinaes autoridaes eclesiástiques tengan un puntu de vista restrictivu sobre bien de coses, ente otres,
"sobre les nueses alegríes", acabó.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies