El sector editorial sigue aumentando les sos ventes y aumenta l'ISBN de llibros en llingües cooficiales

MADRID, 09 de Marzu (EUROPA PRESS)

La subsecretaria del Ministeriu de Cultura, Mercedes Elvira del Palacio, destacó güei la continua subida de les ventes nel sector editorial, a pesar de la crisis, con una facturación qu'algama los 3.000 millones d'euros n'España y 450 millones d'euros nel mercáu internacional. Sobre'l llibru dixital, Del Palacio anunció que nel 2009 facturáronse 45 millones d'euros.

Coles mesmes y mientres la Comisión de Cultura, celebrada güei nel Congresu de los Diputaos, Del Palacio sorrayó l'aumentu del ISBN de llibros publicaos en llingües cooficiales. Asina en llibros n'eusquera prodúxose una subida del ISBN del 39%; en catalán del 12%; en gallegu del 25%; y en valencianu constatóse un aumentu del 10%.

Per otra parte y mientres la so intervención, sorrayó que'l sector editorial español ocupa'l tercer o cuartu puestu nel contestu internacional y apuntó que pal Gobiernu y el Ministeriu de Cultura l'apoyu al sector editorial ye una "prioridá".

Nesta mesma llínea, la subsecretaría de Cultura resaltó qu'España superó de sobra l'estándar fixáu pola UNESCO de 1,5 llibros por habitante, puesto que s'estima que nel 2010 la cifra de documentos por habitantes asítiase en 1,62.

Nesti contestu, Del Palacio recordó que'l 91 por cientu de los adolescentes confiesen lleer polo menos media hora diaria y anunció qu'España va ser convidada d'honor esti añu en delles feries internacionales rellacionaes cola edición de ciudaes como Nueva York y Turquía.