XERUSALÉN, 30 de Xunetu (EUROPA PRESS)
Polo menos seis persones resultaron apuñalaes nun ataque cometíu supuestamente por un israelín ultraortodoxu nel marcu del desfile del 'Arguyu Gai' celebráu esti xueves en Xerusalén, informaron los servicios d'emerxencia llocales.
L'ataque tuvo llugar na cai Keren Hayesod y saldóse con polo menos seis firíos, dos d'ellos n'estáu grave, según el periódicu 'Haaretz'. Les fuerces de seguridá detuvieron al presuntu agresor, que nun contaría cola ayuda d'otres persones.
Ésta nun ye la primer vez en que se produz un incidente violentu mientres esta marcha reivindicativa. Nel desfile del 2005, a trés manifestantes apuñalólos otru ultraortodoxo, qu'acabó agora poco de cumplir una pena de diez años de cárcel.
La Policía esplegara un ampliu dispositivu de vixilancia pa torgar ataques mientres la marcha, a la que taba previsto qu'asistieren unes 5.000 persones. Les autoridaes permitieren una concentración paralela de 30 ultraderechistes.
