LONDRES, 22 d'Avientu (EUROPA PRESS)
Polo menos seis persones morrieron al arrollales un camión de basoria na plaza del rei Jorge, nel centru de la ciudá escocesa de Glasgow, según informó la televisión pública escocesa, STV.
L'incidente asocedió sobre les 14.30 hores d'esti llunes cuando'l camión, que diba a gran velocidá, impactó contra dellos vehículos y transeúntes antes d'empotrase contra un edificiu, relataron testigos presenciales citaos pola STV.
Nel llugar hai polo menos seis ambulancies y un importante continxente policial. El camión quedó parcialmente empotráu contra la fachada del Hotel Millenium, mui cerca del Muséu d'Arte Moderno de Glasgow.
Un corresponsal de la emisora llocal Radio Clyde relató que la cai de la Reina, per onde ingresó'l camión na plaza, alcuéntrase llendada pola Policía.