Un senador de Compromís usa'l lleonés la primer vez na historia de la cámara

Carles Mulet
COMPROMÍS
Actualizado: miércoles, 13 abril 2016 15:40

UVIÉU, 13 d'Abril (EUROPA PRESS)

Un senador de Compromís, el valencianu Carles Mulet, usó esti miércoles la llingua llionesa la primer vez na historia d'esta cámara parlamentaria. Foi un discursu d'un minutu, y fízolo en respuesta al presidente de la diputación de Lleón, Juan Martínez Majo (PP), que recientemente consideró "llamentable" que s'emplegaren nel Senáu llingües diferentes al castellanu, tres asistir a un pleno na tribuna de convidaos.

Na so intervención, el senador pidió a Majo que trabaye por "algamar la oficilaidá del lleonés na so provincia, comunidá autónoma y ayuntamientu, y qu'alzara la voz nel so propiu partíu, onde se nieguen a llexislar sobre al llingua lleonesa, magar el mandáu establecíu nel so estatutu autonómicu y del al pronunciamientu del Conseyu d'Europa".

Tamién-y pidió que dende la diputación faiga un pocu de trabayu pola llingua, "apurriendo ayuda a la enseñanza del idioma en centros públicos, y a la espublización de llibros en lleonés, que faen por agora pola so cuenta pequeños ayutnamientos y asociaciones col so esfuezu".

Nuna esplicación posterior, nun video en youtube, Mulet dixo que quiso facer asin un pequeñu xestu, utilizando la primer vez vez el lleonés nel senáu". Reconoció que nun sabe lleonés, y polo tanto pidió disculpes si la so pronunciación nun foi la correcta.

Acabó reivindicando que lo mesmo'l lleonés que l'asturianu puean tener rangu d'oficialidá "como'l que tenemos col valencianu", y que "puean sentise equí (nel Senáu) como'l resto de llingües del estáu".

Asturianu ofrecido por