Aviso: Esta noticia tiene más de un año. Última actualización: 03/05/2012
UVIÉU, 03 de Mayu (EUROPA PRESS)
El sindicatu d'enseñanza Suatea pidió esti xueves l'aplicación inmediata de la sentencia del Tribunal Supremu que confirma l'anulación del ratio mínimu d'ocho alumnos pa cursar llingua asturiana.
Al traviés d'una nota prensa, Suatea felicitóse por esta resolución xudicial que "ye una gran noticia pal avance firme na normalización Llingüística del nuestru idioma, y un frenu a les actuaciones contraries al so desarrollu realizaes pol gobiernu anterior y el d'anguaño".
Así, criticó al Gobierno asturianu, porque "pese a qu'en declaraciones na prensa se manifiesta favoratible a l'aplicación de la llei d'Usu, na práctica incúmplela dafechu: "cuando caltuvo'l recursu de casación que perdió con esta sentencia por "llealtá institucional, cuando nun atendió la demanda de más de 30 alumn@s de les escueles de Bual y Grandas de Salime plantegada dende primeros de cursu y testonamente reivindicada por SUATEA énte' Xefe de Personal Docente, cuando solo s'escolariza nesta aria al 12 % del alumnáu d'Educación Infantil y se niega esti derechu a los pas, mas y centros educativos que solicitaron, cuando se caltién la optatividá d'elección ente Llingua-Asturiana y otres árees como segunda llingua estranxera, aniciu profesional, proyectos*, contra'l criteriu de voluntariedá recoyíu nel artículu 4 l'Estatutu Autonomía d'Astsuries y la mesma Llei d'Usu".
El sindicatu muestra la so satisfacción tamién porque la noticia se recibia "na fecha más afayadiza pa la so celebración, nel XXXIII día de les Lletres Asturianes que festexaremos mañana con manifestación (Estación de RENFE d'Uviéu a les 19:30) reivindicando la oficialidá pal nuestru idioma".