UVIÉU, 24 Abr. (EUROPA PRESS) -
El sindicatu educativu Suatea cifró nel 40 por cientu'l siguimientu de la fuelga convocada pol profesoráu interín pa esti martes. Anque reconocieron en nota de prensa que'l siguimientu "foi desigual", consideren que la fuelga "consiguió l'oxetivu que buscaba" de "evidenciar la esmolición del colectivu énte'l riesgu de perder l'empléu, "qu'en dellos casos va ser de forma inminente".
Según datos llograos por esta Organización Sindical a última hora de la mañana, la fuelga foi secundada por cerca del 40% del profesoráu interín y tuvo una mayor incidencia nel cuerpu de Secundaria y Formación profesional, con más siguimientu nes especialidaes que tienen convocatoria d'oposiciones pa esti branu y, polo tanto, mayores posibilidaes de perder l'empléu.
En Primaria, el siguimientu foi menor porque les oposiciones van celebrase en 2019 y el personal interín tien garantizáu l'empléu pal cursu próximu.
Depués de que'l conseyeru d'Educación afirmara que'l siguimientu fuera del 4,5 por cientu, calificaron de "improcedente dafechu" que la conseyería dea datos de siguimientu de la fuelga de les 9.30 de la mañana "cuando saben perfectamente qu'a esa hora ye imposible conocer los datos reales".
"Elloo ye que na mayoría de centros afirmáronnos que yera ceo p'avanzar datos enates de les 12 de la mañana", señalaron.
La principal reivindicación d'esta fuelga ye llograr un Plan estabilidá pal profesoráu interín. "Quien ta queda", manifestaron. "Esto nun quier dicir que queremos facer fixos a interinos ensin aprobar una oposición, tal como declaró ayeri'l conseyeru, sinón que buscamos que los interinos d'Asturies tean nes mesmes condiciones que los d'otres CCAA y que tengan garantíes d'estabilidá".
Al conseyeru dixéron-y que la mayoría de los interinos que trabayen na actualidá aprobaron les oposiciones "dalguna vez", pero les "escases places convocaes" nos últimos años tórga-yos llograr plaza de funcionarios
