UVIÉU, 1 Ago. (EUROPA PRESS) -
L'asociación El Teixu organiza esti vienres 3 d'agostu n'Oubiñana la charla 'De Cuideiru a Val.louta: Historia, situación ya recuperación de los topónimos autóctonos del conceyu de Cuideiru', que va impartir el llingüista Fernando Álvarez Balbuena.
L'actu va celebrase na Escuela de Riegurriba a partir de las 19.30 horas y la entrada yá de badre. L'actu tamién va valir pa presentar las camisetas qu'El Teixu acaba de sacar pa defender la toponimia tradicional de Cuideiru. Esta prenda, cola silueta del conceyu ya el lema '¿Sos de Cuideiru?', recueye dellos de los nomes autóctonos de los llugares pixuetos.
Con esta iniciativa, la organización quier dar respuesta a "polémicas artificiales" contra la normalización de la toponimia de Cuideiru, "producidas pol desconecimientu de las formas populares ou
inclusivamente por intereses políticos espurios".
