PALMA MALLORCA, 22 de Xunetu (EUROPA PRESS)
L'exsociu d'Iñaki Urdangarin, Diego Torres, presentó'l so recursu d'apelación ante'l xuez instructor del casu Nóos, José Castro, nel qu'axunta una serie de correos electrónicos colos qu'intenta demostrar que'l rei Felipe VI tenía conocencia de les actividaes del so cuñáu, Iñaki Urdangarin.
Amás, nesti recursu, apurríu a Castru pola defensa de Torres, inclúyese una semeya del rei Felipe VI y la Infanta Cristina, na boda del exdirector xeneral de Deportes, José Luis 'Pepote' Ballester, que tuvo llugar en 1998.
Coles mesmes, inclúyense diversos e-mails ente Urdangarin y Felipe de Borbón, daquella Príncipe d'Asturies, nos que pretende reflexase una relación de confianza ente ambos. D'esta manera, ún de los correos apunta a qu'Urdangarin participaría na organización de la despidida de solteru de Felipe VI o nun posible alcuentru ente l'actual monarca y un empresariu en Moscú.
Nesi mesmu mail, Urdangarin escríbe-y: "Felipe, qué tal, cómo te trata la vida... yo equí ganándo'l xornal", y nel que se despide con un coloquial "Coméntame dalgo please...".
