Un total de 20.700 escolares estudien Llingua Asturiana

UVIÉU, 09 de Mayu (EUROPA PRESS)

Un total de 20.700 escolares estudien Llingua Asturiana, según los datos facilitaos güei pol Conseyeru d'Educación y Ciencia del Principáu, José Luis Iglesias Riopedre, nun actu escolar celebráu en L'Infiestu, con motivu del 'Día les Lletres'.

José Luis Iglesias Riopedre calificó de "destacable" la progresión al alza de matriculaciones na asignatura. Asina, nel cursu del 2006-2007 estudiaron Llingua Asturiana más de 15.000 alumnos en Primaria (53%) y 4.200 en Secundaria (14%). Estes cifres aumentaron nesti cursu hasta algamar los 16.200 alumnos en Primaria (55%) y 4.500 en Secundaria (15%).

La enseñanza concertada pasó de 240 alumnos en tres centros nel cursu pasáu a más de 800 en 10 nésti. En cuanto a profesoráu, de los 195 profesores interinos contrataos en cursu 2006-2007 se pasaron a los 207.

El conseyeru rellacionó esti importante incrementu con dalgunes de les midíes adoptaes pol Gobiernu asturianu en materia de fomentu y promoción de l'asignatura de Llingua Asturiana.

Ente les midíes destacó los currículos de Primaria, Secundaria y Bachilleratu; puesta en funcionamientu de la web 'Puertuasturies', que cuenta con más de 82.000 visites y importantes descargues de materiales n'asturianu pa trabayu nel aula; aumentu de la ufierta del plan rexonal de formación del Profesoráu, con cursos dirixíos específicamente al profesoráu d'Asturianu y dotaciones de fondos en Llingua Asturiana pa les biblioteques escolares de los centros.