Un total de 261 trabayadores de la construcción perdieron la vida n'accidente llaboral nel 2008

EP

MADRID, 2 d'Avientu (EUROPA PRESS)

Un total de 261 trabayadores de la construcción perdieron la vida n'accidentes llaborales ocurríos demientres l'añu 2008, 17 persones menos que nel añu anterior, según datos de la Federación Estatal de la Construcción, Maderes y Afines de CC.OO.

La Federación sorrayó qu'estos datos demuestren que, a pesar del importante descensu de l'actividá que sufrió'l sector demientres esti periodu por mor de la crisis, sólo se vio espeyáu na baxada de los accidentes llaborales graves y ensin importancia, sobre l'añu anterior.

En concreto, indicaron que'l númberu de siniestros mortales nun esperimentó un descensu proporcional a la cayida nel númberu de trabayadores na construcción porque nel 2007 morrieron un total de 278 obreros frente a 2.693.500 trabayadores n'activo, mientres que nel 2008 morrieron 261 trabayadores, frente a 2.230.000 persones ocupaes (463.500 menos que l'añu anterior).

Por comunidaes autónomes, Andalucía (50), Comunidá Valenciana (25), Castiella Lleón (24) y Madrid (24) destaquen como les cuatro rexones nes que más siniestros llaborales se produxeron nel sector demientres l'añu pasáu.

Según los datos del Ministeriu de Trabayu, ente xineru y setiembre del 2008 hubo 154.089 accidentes en xornada llaboral na construcción. D'estos, 204 fueron mortales, 1.712 graves y 1.52.173 ensin gravedá. De camín al trabayu (itinere), el Ministeriu rexistró nel periodu un total de 7.479 acccidentes nel sector, siendo la media de los últimos años de 100 trabayadores muertos por esta causa.

La principal causa de muerte por accidente allaboral na construcción a lo llargo del 2008 fueron les cayíes n'altura (42%), siguíes de les muertes por golpes o aplastamientos (22%). Ente'l 36% restante figuren, na so mayor partes, les muertes por atropellos y les producíes por mor de descargues eléctriques.

De la mesma manera, les muertes por accidente llaboral nel sector tuvieron llugar, especialmente, ente los obreros con edaes ente 17 y 30 años, con 49 muertos, mientres que morrieron un total de 18 muertos d'ente 59 y 65 años.

Ante esta situación, la Federación manifestó'l so "total refugu" a los abusos que, por mor de la crisis, tán executando gran cantidá d'empresarios, en materia d'hores estraordinaries y prollongaciones de xornaes, "dos de les causes principales que faen aumentar les tasas de mortalidá n'époques de pocu emplegu".

Nesti sen, Fecoma-CC.OO exixó al Ministeriu de Trabayu qu'incremente les inspeiciones n'obres, asina como que garantice'l cumplimientu de la llexislación llaboral en materia de contratación, estabilidá nel emplegu y prevención de riesgos llaborales.

Al mesmu tiempu, la Federación insistió en que ye necesario tomar midíes encaminaes a facilitar la xubilación anticipada a los 60 años pa los trabayadores d'obra y la paralización de toles obres nes qu'exista riesgu pa la vida de los trabayadores.