UVIÉU, 21 d'Abril (EUROPA PRESS)
El númberu de quemes forestales actives n'Asturies a les 19.09 hores queda en 39, concentrándose en 21 conceyos del Principáu, según informó'l Serviciu d'Emerxencies del Principáu d'Asturies (SEPA) al traviés d'una nota de prensa.
El conseyeru de Presidencia ya Interior del Gobiernu asturianu, Guillermo Martínez, visitó una de les zones afectaes, concretamente la d'Oumente, n'Ibias. El responsable autonómicu esplicó que permanez activu'l Infopa en situación 1 y que'l riesgu d'incendiu sigue siendo d'altu, de cinco, poles altes temperatures que s'esperen pal fin de smana.
Poro, recordó que la quema ta prohibida. Pidió la collaboración ciudadana, una vez más, "a cualquier persona que tenga información de daquién que pudiera tener la intención de provocar dalgún tipu de quema".
Recordó qu'hai trabayando cuatro medios aéreos, y destacó la collaboración ente les brigaes de quemes, la guardería de Mediu Ambiente, los conceyos y l'Alministración Estatal col Serviciu autonómicu d'emerxencies (SEPA).
