TPA tresmite les campanaes de fin d'añu dende Torazu, Pueblu Exemplar 2008

UVIÉU, 30 d'Avientu (EUROPA PRESS)

La Televisión del Principáu d'Asturies, TPA, despide esti añu y da la bienvenida al 2009, con una programación especial. TPA tresmite mañana miércoles 31 d'avientu a les 21.00 el mensaxe de Fin d'Añu que'l presidente del Gobiernu del Principáu d'Asturies, Vicente Álvarez Areces, va dirixir a los asturianos y va emitir les Campanaes de Fin d'Añu dende Torazu, premiu Pueblu Exemplar 2008.

Los vecinos d'esta población van ser, de magar les 23.30 hores, los protagonistes de la tresmisión que nesta ocasión van conducir Samba, Personsaxe de Terapia de grupu, y la presentadora de conexón Asturies, María del Cueto. TPA va emitir tamién esti espaciu al traviés del portal web www.rtpa.es y del satélite Hispasat pa ofrecer la emisión a tolos asturianos resientes n'América y Europa.

TPA va entamar l'añu 2009 en Sariegu cola emisión en diferíu a les 12.00 hores del Conciertu 'Navidá Sariegu 2008', que va celebrase na parroquia del conceyu.

Nel conciertu van participar el Coro 'El Cantón', promotor del festival formáu nel añu 2005 y dirixíu por Amelia Cuetos, l'Asociación Coral Polfónica Piloñesa "Ars Nova", creada en 1993 en L'Infiestu y dirixida por Patricia Miriam Martínez, el Coru Errante 'Comarca de la Sidra', fundáu nel 2003, y el Coru Mineru de Turón.

Dalgunos de los temes qu'interpreten los coros son 'Dende'l Puertu Payares', del compositor Fernando Viejo, los villancicos alegresprognen y el Tamborileru, y l'himnu Adeste Fideles.