Trevín considera "una bona noticia" la sentencia que da la razón a un usuariu afectáu pol colapsu na AP-66

UVIÉU, 9 de Febreru (EUROPA PRESS)

El Delegáu del Gobiernu n'Asturies, el socialista Antonio Trevín, dixo güei que la sentencia qu'obliga a la emprea Autopisa Concesionaria Astur-Leonesa SA (Aucalsa), concesionaria de l'AP-66, a indemnizar a una pareya que quedó atrapada nel colapsu d'avientu del 2008 ye "una buena noticia" pal funcionamientu de los diferentes poderes. "Tenemos que felicitamos porque'l sistema funciona y los consumidores tienen reconocíu'l derechu a reclamar", apuntó.

Trevín fizo estes manifestaciones, a entrugues de los periodistes nuna rueda prensa ofrecida n'Uviéu. Un xulgáu de primer instancia dio la razón a un matrimoniu de Nava que quedó atrapáu y condenó a Aucalsa al pagu de 900 euros --más los intereses llegales-- a los ocupantes del vehículu.

El Delegáu del Gobiernu señaló que, amás, continúa abiertu'l trámite alministrativu pa la sanción a Aucalsa per parte de la Delegación del Gobiernu nes Sociedaes Concesionaries d'Autopistes Nacionales de Peaxe polo asocedío nel 2008.

Pero, amás, Trevín señaló que Fomentu algamó que la empresa se dote con meyores medios y que se comprometa con "más midíes". Nesti sen, esplicó qu'esti añu, coles nevaes qu'hubo, existieron más medios. Señaló amás que se meyoró la información nel Güerna y que se trabaya pa la instalación de nuevos medios que meyorarán tovía la situación, como la colocación de cámares.