UVIÉU, 5 d'Ochobre (EUROPA PRESS)
El Tribunal Superior de Xusticia d'Asturies (TSXA) almitió a trámite la denuncia contra la diputada rexonal del PSOE y exalcaldesa de Llanes, Dolores Álvarez Campillo, por tornar y anular sanciones de tráficu, "sin observar les formalidaes mínimes esixíes pol ordenamientu xurídicu". Tamién ta denunciáu'l que fuera'l so segundu teniente d'alcalde nel pasáu mandatu, Emilio Carrera.
El TSXA solicita a la Xunta Xeneral del Principáu la certificación acreditativa de la condición de diputada de Dolores Campillo y noma instructor de la causa al maxistráu José Ignacio Pérez Villamil. Contra la resolución cabe interponer recursu de súplica nel plazu de trés díes dende la so notificación.
Nos fechos oxetu de la querella l'Autu especifica qu'hai irregularidaes na anulación de 20 multes de tráficu correspondientes al periodu que va del añu 2012 al 2015.
El Ministeriu Fiscal entiende nel so escritu que los fechos puen ser constitutivos d'un delitu siguíu de prevaricación, previstu y penáu nel artículu 404 en relación col 74 del Códigu Penal.
