UVIÉU, 17 Oct. (EUROPA PRESS) -
El Tribunal Superior de Xusticia d'Asturies confirmó la sentencia d'un xulgáu d'Uviéu que dio por termináu'l procedimientu interpuestu polos diputaos del PP, que pidíen la nulidá de los alcuerdos de la Xunta de Gobiernu del Conceyu d'Uviéu rellacionaos coles fiestes de San Mateo de 2016.
En concreto, los 'populares' solicitaben la nulidá del rellativu a l'autorización a la Sociedá Uvieina de Festexos pa ocupar víes públiques y poner 'chiringos' y el rellativu a la participación de la hostelería uvieina.
Na sentencia, la xuez, ensin entrar no fondero del asuntu, determinó que l'oxetu xurídicu yá nun esiste, polo que nun tien sentíu atender a la pretensión del PP. La sentencia foi recurrida polos 'populares' énte'l Tribunal Superior de Xusticia d'Asturies.
La TSXA decidió alliniase cola sentencia, tornando'l recursu del PP, al que-y impón los costos. Los 'populares' entá pueden recurrir al Tribunal Supremu.
