UVIÉU, 31 de Xunetu (EUROPA PRESS)
La Unión de Consumidores (UCE-Asturies) denunció públicamente esti vienres, nuna rueda prensa que "la baxada de 10 dólares na cotización del barril de petróleu mientres el presente mes de xunetu, namás significó una baxada de 2 céntimos nes gasolineres asturianes".
Nuna nota prensa posterior, la organización señaló que "según la Comisión Nacional de Mercaos y Competencia, Asturies tien el preciu más caru d'España, dempués de Baleares y Galicia".
N'Uviéu, según los datos de UCE, "enllenar el depósitu de Gas-oíl (media de 55 llitros) cuesta 7 euros más qu'en Xixón, Avilés y Mieres. El llitru de gas-oil en Xixón, cuesta 13 céntimos menos que n'Uviéu.
El preciu más baratu del llitru de Gas-oil n'Asturies, 1,059 euros, ye na gasolinera de la Cooperativa, en Xixón. El más caru n'Uviéu: 1,189, nuna planta del Beta-Group-Espíritu Santu.
Amás, confirma que "el preciu más baratu de la gasolina-95, n'Asturies ye de 1,254 euros el llitru, na estación d'Eroski en Mieres, y el más caru, de 1,389 euros el llitru, en Llangréu, de Repsol". En total, 13 céntimos de diferencia.
La mayor competencia de precios de combustible sigue liderándola liderando Mieres, siguida de Aviles y Xixón, y los más caros son Uviéu, Llangréu y Pravia.
La Unión de Consumidores encamienta amás "nun recargar en gasolineres en réxime d'Autu-serviciu". "El 80% de la Rede de Gasolineres n'Asturies, opera en réxime d'Autu-serviciu, obligando al consumidor a recargar el so propiu combustible, sin beneficiu económicu algún". Según estudiu d'UCE, "tán aforrándose por costos salariales y Seguridá Social, más de cinco céntimo d'euru por litru, no que cinca a les asistíes por personal", critica la organización.
