UVIÉU, 25 May. (EUROPA PRESS) -
El Conseyu de Gobiernu de la Universidá d'Uviéu aprobó crear la Comisión Asesora de Normalización Llingüística, con competencies en materia de normalización dientro de la institución académica y que va velar pol cumplimientu de la Llei d'Usu.
Asina, va corresponder a la Comisión Asesora de Normalización Llingüística proponer polítiques sobre l'usu de la llingua asturiana na Universidá d'Uviéu. Les sos funciones van ser ellaborar y velar pol cumplimientu d'un plan d'actuación onde se detallen les acciones y prioridaes relatives al usu de la llingua asturiana na Universidá d'Uviéu.
Nesi sentíu, la Comisión va realizar un siguimientu y evaluación de la execución del plan d'actuación, amás de velar pol cumplimientu de los principios y derechos conteníos na Llei del Usu
"Trátase d'instaurar un órganu colexáu responsable pa la propuesta, actuaciones, desarrollu y impulsu de les mesmes en relación col usu de la llingua asturiana na Universidá uvieina", señalen na resolución aprobada.
