Universidaes del G9 estudien la posibilidá d'espedir títulos conxuntos pa fomentar la movilidá d'estudiantes

BADAXOZ, 21 de Payares (EUROPA PRESS)

Les universidaes españoles que formen parte del G9, ente les que figura la Universidá d'Uviéu, estudien la posibilidá d'espedir títulos conxuntos cola idea de "fomentar la movilidá" de los estudiantes. Pa ello, los alumnos deberán completar los sos estudios demientres un cursu académicu, lo equivalente a 60 creitos completos, en dalgunos de les universidaes públiques del G9.

Asina lo anunció güei'l rector de la Universidá d'Estremadura (UEx), Juan Francisco Duque, que dio una rueda prensa nel Rectoráu de Badaxoz pa dar a conocer los acuerdos trataos na Asamela Xeneral de Rectores.

Demientres la so intervención, el rector dela UEx defendió que se trata d'una "importante" midida pa "favorecer la movilidá de los estudiantes, puesto que los datos demuestren "que la ufierta de los títulos de graos ye mui escasa".

Nesti sen, adelantó que les universidaes públiques del G9 tienen previsto "establecer los tipos de canales los próximos meses" pa lo qu'entiende que "nun debe d'haber dificultá puesto que los nuevos estudios de grau, son conforme a la so definición, estudios xenerales".

Al alcuentru del G9 asistieron amás del presidente del G9 y rector de la UEx, Juan Francisco Duque Carrillo, el rector de la Universidá Uviéu, Vicente Gotor; el de la Universidá de Cantabria, Federico Gutiérrez-Solana Salcedo; el de la Universidá de Castiella La Mancha, Ernesto Martínez, la rectora de la Univesitat d'Illes Balears, Montserrat Casas Ametller; el rector de la Universidá de la Rioxa, José María Martínez de Pisón Cavero; el rector de la Universidá del País Vascu; Juan Ignacio Pérez Iglesias, el rector de la Universidá Pública de Navarra, Julio Lafuente López; el rector de la Universidá de Zaragoza, Manuel José López Pérez, y el secretariu xeneral del G9, Jorge Martínez Castro.

Trátase d'un espaciu col que los reprsentantes de les distintes universidaes públiques trataron l'impautu de les universidaes del G-9 nes Comunidaes Autónomes, l'intercambiu d'esperiencies sobre'l sistema de garantía de Calidá, la convocatoria de Títulos Propios Conxuntos y el proyeutu de Cooperación Universitaria n'África o la unión a la Europea University Association.

Ento los aspeutos trataos nesti conceyu, el rector de la Universidá d'Estremadura destacó que tienen previsto treslladar un estudiu ellaboráu pol País Vascu sobre la repercusión o impautu que tienen les universidaes nel desarrollu de les comunidaes autónomes.

Ente dalgunes de les conclusiones más llamatives d'esti estudiu, el rector de la Universidá del País Vascu, Juan Ignacio Pérez, mencionó que s'estima que "por cada euru qu'invierte l'Alministración na Universidá Pública, xenera 2,4 euros en forma d'impuestu". Una riqueza que, según dixo, xenera l'actividá que de dalguna manera sal de la Universidá.