PAMPLONA, 3 de Xunetu (EUROPA PRESS)
El grupu municipal d'UPN nel Conceyu de Pamplona llamentó que "que trés de cada cuatro pancartes de les peñes de San Fermín presentaes esta selmana contengan referencies de solidaridá colos presos d'ETA".
Los rexonalistes recordaron nun comunicáu que tradicionalmente les pancartes de les peñes tuvieron un tonu críticu cola actualidá política y los sos protagonistes. "Sicasí, dende va años, pasaron d'esa sana crítica política a alliniase con planteamientos radicales colos que nun se sienten identificaos la mayoría de pamploneses", esplicaron.
Asina, reprocharon que "los dirixentes d'estes peñes utilicen a estes instituciones pa llanzar mensaxes políticos, munches veces del llau d'ETA y los sos collaboradores, que nada tienen que ver cola fiesta y l'alegría qu'estos díes imperen en Pamplona y que, amás, nun representen el sentir mayoritariu de los sos socios".
"Los miembros de les peñes quieren disfrutar de les fiestes y al contrario que munches de les sos xuntes directives, entienden qu'estos díes nun son pa facer política y menos pa propogar mensaxes radicales", esplicaron.
Por eso, los rexonalistes pidieron que nun s'amansuñen los Sanfermines como plataforma publicitaria de posiciones polítiques o reivindicaciones radicales, y que toles persones puean viviles en paz y en llibertá, sin sentise escluyíes o presionaes por nenguna cuestión".
