Aviso: Esta noticia tiene más de un año. Última actualización: 09/02/2010 19:34
El Gobiernu venezolanu, que declaró'l llunes la emerxencia eléctrica, llanzó un plan d'aforru d'electricidá que contempla dende sanciones hasta incentivos nel valor del serviciu, tanto pa clientes residenciales, como comerciales y industriales.
El presidente Hugo Chávez anunció que va haber rebaxes d'hasta un 50 por cientu de la facturación pa los clientes residenciales que baxen la demanda nun 20 por cientu y sobrecargos d'hasta un 200 por cien pa los que la superen nesi mesmu porcentaxe.
La emerxencia estenderáse per 60 díes y podrá prollongase.
El presidente fizo los anuncios dempués de les 23.00 hora llocal nuna cadena nacional, hores dempués de declarar la "emerxencia eléctrica" que llevó a racionar dende hai meses el suministru de lluz nel país petroleru.
Los racionamientos, qu'algamen tamién al agua, tienen llugar a siete meses de les elecciones llexislatives en setiembre, nes que Chávez quier caltener la so mayoría na Asamblea pa entamar reformes llegales necesaries pal so proyectu políticu.
El Gobiernu afirma que la grave situación débese a una prollongada seca que foi vaciando la represa d'El Guri, responsable del 70 por cientu de la xeneración eléctrica del país, asina como a un aumentu de la demanda asociada a la espasión económica d'un llustru hasta'l 2008.
Opositores afirmen que tien que ver con años de desinversión y desidia y a la falta de preparación del sistenma pa enfrentase al creciente consumu.