UVIÉU, 22 Sep. (EUROPA PRESS) -
Víctor Rodríguez Caldevilla, Parres 1992, estudiante de Ciencies Polítiques y Secretariu actual de Política Institucional de la organización a nivel autonómicu y responsable del grupu LGTB de la organización, foi l'únicu candidatu que formalizó la presentación de la so pre-candidatura pa dirixir la organización de mocedá.
Según informó'l comité organizador, el plazu de presentación acabó la nueche del xueves 21, y anque namás existe un candidatu, la normativa de les Mocedaes Socialistes obliga a una recoyida d'avales correspondiente a un 10% del censu de la federación.
Va tener de plazu ente'l 25 de Setiembre y el 10 d'Ochobre, día nel que, si son recoyíos tolos avales necesarios, va proclamase Secretariu Xeneral electu.
Eso va ser nel XVI Congresu Autonómicu de JSA/MSA que va celebrase ente'l 10 y el 12 de payares en Xixón. Nél, la mocedá socialista asturiana va escoyer la so Comisión Executiva Autonómica nuevu, amás d'otros órganos autonómicos.
Va dexar la dirección de la organización depués de trés años María Vallina Suárez, Secretaria Xeneral actual que decidió nun presentase a la reelección depués de ser escoyida Vicesecretaria Xeneral y Secretaria de Formación a nivel federal el mes de xunetu pasáu en Madrid.
