El xeneral Ballesteros cree que Corea del Norte pue usar armes nucleares si ve amenaciada la so "propia supervivencia"

Kim Jong Un
REUTERS / KCNA KCNA
Publicado 11/08/2017 15:13:37CET

Sicasí, considera que ye una amenaza que nestos momentos "nun inclúi l'usu de l'arma nuclear"

MADRID, 11 Ago. (EUROPA PRESS) -

El director del Institutu Español d'Estudios Estratéxicos (IEEE), Miguel Ángel Ballesteros, espresó esti vienres que si Corea del Norte ve amenaciada la supervivencia del so réxime, "nun dulda" de que pueda emplegar "l'arma nuclear". Magar que, esclarió Ballesteros, nesti momentu, l'amenaza nun inclúi l'usu d'armes nucleares.

Nesti sentíu, señaló qu'esiste "una capacidá de llanzamientu nuclear" yá que según confirmó l'Axencia d'Intelixencia de Defensa de los EE.UU, Corea del Norte yá tien "cabeces nucleares miniaturizaes capaces de ser tresportaes nun misil intercontinental".

En declaraciones a COPE, recoyíes por Europa Press, Ballesteros reconoció qu'esiste una posibilidá real de conflictu armáu entre Corea del Norte y EE.XX. "Nesti momentu la escalada verbal de mensaxes de dambos llaos puede llegar a provocar qu'un réxime pocu responsable como'l de Corea del Norte, llegue a materializar la so amenaza", añadió'l xeneral.

"ESISTE LA POSIBILIDÁ D'ALLEGAR A GUAM"

Corea del Norte repitió esta selmana la so amenaza d'atacar la islla de Guam (EE.UU), afirmando que tien preparaos cuatro misiles d'algame entemediu apuntando nesta dirección pa llanzalos en cuanto dea la orde'l líder norcoreanu, Kim Jong-un.

Énte'l fechu de qu'un misil algame dichu oxetivu, el xeneral Ballesteros apuntó que "esiste la posibilidá de que pueda algamalu". Y por ello, Estaos Xuníos ta trabayando "a contra reló" para establecer un sistema antimisiles de gran altor, porque estos misiles son "intercontinentales" y pueden algamar un altor de 3.000-4.000 metros. "Nun se sabe realmente si Corea del Norte tien misiles qu'algamen la islla de Guam, pero si nun los tien, ta a puntu de tenelos según l'Axencia de Defensa d'Estadounidense", señaló'l director del IEEE.

Per otru llau, apuntó que l'amenaza de Corea del Norte escontra EE.UU básase en garantizar la supervivencia del réxime de Kim Jong-un. "El réxime ve de cutiu peligrar la so supervivencia y eso fai que tea de cutio falando de guerra pa que'l pueblu tea xuníu al sistema", añadió.

"CHINA YE CLAVE"

Asina, Miguel Ángel Ballesteros señaló que Chica ye la clave "pa solucionar de manera diplomática" esti conflictu entre dambos países. D'esta miente, desplicó que China nun quier "una Corea del Norte nuclear", al igual que niega "una península de Corea controlada polos EE.UU, y que por tantu tien d'escoyer ente esa "disyuntiva". "La solución ye que China y EE.UU se sienten a negociar ente ellos enantes de la negociación con Corea del Norte", esclarió.

Con tou, Ballesteros dixo que nun cree que China dexe qu'haiga un conflictu entre Corea y Estaos Xuníos, tovía menos cuando se trata de contendentes que tienen "un arma nuclear" y ún d'ellos dixo que "pue utilizala".

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies