El xuez archiva la causa contra los ocho activistes de Greenpeace que subieron al teyáu del Congresu

MADRID, 18 de Xunu (EUROPA PRESS)

El xuez de l'Audiencia Nacional Eloy Velasco archivó la causa abierta contra ocho activistes de Greenpeace deteníos el pasáu 9 de mayu en llevando a cabu una protesta nel Congresu de los Diputaos na que llegaron hasta a subise nel teyáu del edificiu pa manifestar el so refugu contra la nueva Llei de Costes.

Nun autu fechu públicu esti martes el maxistráu esplica que nun quedó debidamente xustificada la perpetración del delitu que dio llugar a l'abertura de la causa, polo que procede sobreseela provisionalmente.

La Fiscalía de l'Audiencia Nacional solicitó ayeri al instructor que procediera al sobreseimientu. El fiscal Luis Barroso indicaba que los arrestaos nun cometieron el delitu contra les altes instituciones del Estáu que se-yos imputaba.

Asina, aseguraba que nun existe constancia de que la intención de los activistes fuera la d'invadir la sede del Congresu nin que quisieren emplegar la fuerza, violencia o intimidación. Tampoco quedara acreditao que s'alterara'l normal funcionamientu de la sesión plenaria que se celebraba aquel día.

Gómez Bermúdez dexó en llibertá'l pasáu mes de mayu a los ocho miembros de Greenpeace, a los qu'impunxo comparecencies mensuales na sede xudicial más cercana a les sos cases. Nel momentu de la protesta, los diputaos alcontrábense nel interior del hemiciclu debatiendo sobre la Llei de Costes. Polo menos, trés de los activistes llograron esquivar l'acción de la Policía y saltaron una valla qu'arrodia'l perímetru del edificiu, que s'alcuentra n'obres.

Darréu aprovecharon l'andamiaxe d'estes obres pa llegar hasta'l teyáu, onde mostraron una pancarta na que podía lleese: 'El PP viendi la nuesa mariña'. Ún d'ellos descolgóse con una cuerda pola fachada de la entrada principal, davezu zarrada