UVIÉU, 30 d'Avientu (EUROPA PRESS)
La xueza sustituta del Xulgáu de Violencia de Xéneru d'Uviéu, decretó prisión provisional, incondicional y comunicada por un delitu d'homicidiu en grau de tentativa pal home M.O., d'orixe nixerianu, acusáu de tirar pela ventana a la so pareya sentimental nel barriu de La Tenderina d'Uviéu, según informó'l TSXA mediante una nota prensa.
Demientres la so declaración, que duró aproximadamente dos hores, el mozu reafirmó tolo manifestao previamente en sede policial, reconociendo qu'hubo un alcuentru cola moza que derivó nuna fuerte discusión posterior, y asegurando que, tres la mesma, abandonó la vivienda, nun tando presente cuando la moza cayó al vacíu.
Sin embargu, tres la so declaración, pa la xueza nun queda acreditada na so totalidá esta circunstancia, y poro dictó'l so treslláu darréu a la cárcel de Villabona.
El casu va siguir abiertu nel Xulgáu de Violencia de Xéneru como dilixencia previa, quedando l'acusáu de magar esti momentu, a disposición de dichu xulgáu, por si nel trescursu de los próximos díes, y tres les posibles declaraciones de los distintos testigos y hasta de la víctima --si lo permitiere'l so estáu de salú--, se necesitare una nueva declaración.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)